FOTO · SANYU OG DJ TERMISTORJK · 2025
Om konserten
Jazzklubben Volda Ørsta Set av kvelden, først med konserten som var den «desidert største opplevinga» på VillVest-festivalen 2023, etterfølgt av eit DJ-sett frå Volda/Ørsta sine eigne karar i Thermistor. «Don’t wait up, eg er på Jazzklubben». 22. mars 2025, 20:00 – 22:30 Volda, Halkjelsgate 8, 6100 Volda, Norway «Desidert største oppleving på årets festival». Slik beskreiv BT-meldar Ellisiv Sunde Myrva Sanyu konserten sin under Villvillvest 2023. Med bakgrunn innanfor r&b og improvisasjon, ber musikken hennar preg av eit sjelfullt uttrykk med varme harmonium, men leikar seg også med rapp og groove-basert riff i eit lydlandskap der det akustiske og elektroniske blir vove tett saman. Hennar bestemde og utforskande soul ispedd taktil spoken word og hamrande jazz ladar publikum med ein energi som varer heile kvelden ut. På scena har ho med seg multiinstrumentalist Kristina Fransson, kontrabassist Rafal Rozalski og trommis Rino Sivathas som saman utviser både ei ro og eksplosivitet i musiseringa si i samspel med kvarandre. Sanyu Christine Nsubuga – Vokal Rino Sivathas – Trommer: Rafał Różalski – Kontrabass: Kristina Fransson – Trompet/live elektronikk Kjøp billettar her.
Sjå òg
Andre konsertar i programmet
Jazzkafé – FunkUps
FunkUps har som vanleg lege i hardtrening, med innlagt høgdeopphald, og stiller med nybørsta sko og vasskjemd hår (dei som har hår igjen…).
JILB – Plateslepp
JILB har spelt inn plate på Giske, og det er ei glede for Jazzklubben å arrangere konsert med JILB i samband med utgjevinga.
JUBILEUMSJAZZKAFE med UBERJAM
Bandet spelar instrumental gladfunk frå tida då jazzrock og jazz-pop kom til Sunnmøre, og dei hevdar sjølv at dei starta bandet sidan dei kun høyrte på slik musikk uansett. Überjam haustar lovord for lett og ledig stemning når perlene frå mellom anna Koinonia, Lee Ritenour Wes Montgomery, Pat Metheny samt nokre eigne låtar vert servert i lettfatteleg innpakning. Serveringa er relativt uformell, og bandet gler seg over at dei som glade amatørar også kan få spele denne trivelege musikken.